(This message was delivered by Mr. Jilson N. Tio during the Concelebrated Mass on March 7, 2010. This was the launching of the One Year Preparation for the Golden Year of the Parish. The message also includes an explanation of the logo of the celebration.)
Reb. Mons. Bartolome Santos, Jr., Team Ministry Moderator at Rektor ng Pambansang Dambana
Reb. Padre John Paul Avila
Reb. Padre Isidro Rodriguez
Reb. Padre Sonny De Armas
Mga pamunuan ng Sangguniang Pastoral at tagapangulo ng mga komisyon
Mga kasapi ng mga samahang pangsimbahan at mga pamayanang Kristiyano
Mga parokyano at mga deboto ng Mahal na Birhen ng Fatima, isang magandang umaga po sa inyong lahat.
Tila kamakailan lang ay ipinagdiwang natin ang ika-apat na pu’t limang taon ng ating parokya sa ganitong panahon din ng Kuwaresma. Bagama’t payak ay naging makahulugan ito at pinanabikan ng sambayan ang pagsapit ng ika-limangpung taon. Tunay na naging mabilis ang paglipas ng panahon at hindi pa man sumasapit ang ginintuang taon ng Parokya ay pinagkalooban na tayo ng Panginoon ng biyaya ng Mabuting Pastol at mga gabay sa paglalakbay sa katauhan ng ating kaparian, ang Team Ministry sa pangunguna ni Reb. Mons. Bartolome Santos at mga kasama niyang pari. Ipakita po natin ang ating pagkilala sa kanila sa pagkakataong ito. Palakpakan po natin ang Team Ministry.
Grace. Gratitude. Generosity. Biyaya. Pasasalamat. Kagandahang Loob. Ang tatlong ito ay ating pagtutuunan ng pansin sa loob ng isang taong paghahanda at pagdiriwang ng ginintuang taon ng ating Parokya. Tinatanaw nating malaking biyaya mula sa Panginoong Diyos ang sambayanang ito na hinubog sa tulong ng mga panalangin ng Mahal na Birheng Maria. Ipinagpapasalamat natin ang ating mga kapwa naglilingkod sa Parokya lalo na yaong mga nakasaksi sa pagkakatatag nito mula sa isang maliit na simbahan sa GAMI Compound hanggang sa ito’y itanghal na Pambansang Dambana. Ipinagpapasalamat natin ang lahat ng mga naging bahagi ng ating Parokya kapiling man natin sila ngayon o nasa kabilang buhay na. Ipinagpapasalamat natin ang mga kabataan na siyang magpapatuloy ng lahat ng ito sa susunod na panahon. Ito ang tema ng ating pagdiriwang na siyang ating pagninilayan at isasabuhay hanggang sa susunod na taon.
Sa pagkakataong ito ay hayaan po niyong ipaliwanag ko ang kahulugan ng logo ng ating pagdiriwang.
Ang imahen ng Mahal na Birhen ng Fatima na siyang muling iniluklok sa ating altar simula noong nakaraang taon ay nasa gitnang bahagi ng logo. Para po sa mga hindi pa nakakaalam, ang imaheng ito ng Mahal na Birhen ng Fatima ay pinipintuho sa ating parokya simula pa ng ito ay nasa GAMI Compound noong mga taong isang libo siyam na raan at anim na pu. Pinaniniwalaan na ito ang pinakamatandang imahen ng Fatima sa ating bansa sapagkat bago pa ito ipinagkaloob ng yumaong Padre Jose Delos Santos ay matagal na niya itong iniingatan. Ang imaheng ito ang siyang saksi sa mayamang kasaysayan ng ating Parokya, kaya’t sinasagisag niya ang pagkakaisa ng ating sambayanan, ng mga naglilingkod at namimintuho dito simula pa noong mga unang taon ng Parokya, ng kasalukuyang henerasyon, at ng hinaharap.
Ang Simbahan na nasa ibabang bahagi ng logo ay sumasagisag sa Simbahang bato na itinatag ng ating Panginoong Jesucristo. Mula sa isang payak na gusali sa dating pook-dalanginan ay itinayo sa loob ng labingpitong taon ang ating Simbahan sa tulong ng mga samahan at indibidwal gayundin ng mamamayan ng Fatima, Portugal na nagkaloob noon ng malaking tulong upang maipatapos ang pagpapagawa ng Simbahan. Ito ay naging tanyag dahil sa bubungan na hugis pamaypay at korona na sumasagisag sa pagkareyna ng Mahal na Birheng Maria.
Ang tatlong kalapati ay sumasagisag sa tatlong mahahalagang bagay na ating pagtutuunan ng pansin sa pagdiriwang na ito: Grace. Gratitude. Generosity. Biyaya. Pasasalamat. Kagandahang Loob. Ang imahen ng Fatima sa Portugal ay naging tanyag din dahil sa mga kalapati sapagkat sa maraming pagkakataon na ang imahen ay inilalabas kapag may prusisyon, palaging lumilipad ang mga kalapati patungo sa imahen at dumadapo sa paanan nito.
Ang tatlong laso naman ay sumisimbolo sa tatlong henerasyon – kasama na dito ang lahat ng mga mananampalataya at naglilingkod sa Parokya – na pinagbubuklod ng pagdiriwang na ito: ang nakaraang panahon, ang kasalukuyan, at ang hinaharap. Ito rin ay sumasagisag sa ating masayang pagdiriwang o festivity na sinasalamin ng ating buong pusong pananabik sa pagsapit ng susunod na taon.
At ang mga katagang “50 Years of Grace, Gratitude, and Generosity with Mary” ay nagpapahayag ng tema na siyang magiging sentro ng lahat ng pagdiriwang.
Minamahal na sambayanan ng Diyos, kayo po ay malugod naming inaanyayahan na maging bahagi ng isang taong pagdiriwang na ito. Sa mga susunod na linggo ay amin na pong ipapaalam ang mga gawain at proyekto kaugnay nito. Sa tulong ng Mahal na Birhen ng Fatima na nangakong hindi tayo pababayaan ay sama-sama nating tatahakin ang landas patungo sa kanyang Anak. Nawa ay magdulot ang pagdiriwang na ito ng ibayong sigla sa ating pamayanan, panibagong buhay sa ating pananampalataya, at higit na pagmamahal sa ating Panginoong Diyos.
Mabuhay ang ating Parokya! Mabuhay ang Mahal na Birhen ng Fatima! Magandang umaga po sa inyong lahat.
Reb. Mons. Bartolome Santos, Jr., Team Ministry Moderator at Rektor ng Pambansang Dambana
Reb. Padre John Paul Avila
Reb. Padre Isidro Rodriguez
Reb. Padre Sonny De Armas
Mga pamunuan ng Sangguniang Pastoral at tagapangulo ng mga komisyon
Mga kasapi ng mga samahang pangsimbahan at mga pamayanang Kristiyano
Mga parokyano at mga deboto ng Mahal na Birhen ng Fatima, isang magandang umaga po sa inyong lahat.
Tila kamakailan lang ay ipinagdiwang natin ang ika-apat na pu’t limang taon ng ating parokya sa ganitong panahon din ng Kuwaresma. Bagama’t payak ay naging makahulugan ito at pinanabikan ng sambayan ang pagsapit ng ika-limangpung taon. Tunay na naging mabilis ang paglipas ng panahon at hindi pa man sumasapit ang ginintuang taon ng Parokya ay pinagkalooban na tayo ng Panginoon ng biyaya ng Mabuting Pastol at mga gabay sa paglalakbay sa katauhan ng ating kaparian, ang Team Ministry sa pangunguna ni Reb. Mons. Bartolome Santos at mga kasama niyang pari. Ipakita po natin ang ating pagkilala sa kanila sa pagkakataong ito. Palakpakan po natin ang Team Ministry.
Grace. Gratitude. Generosity. Biyaya. Pasasalamat. Kagandahang Loob. Ang tatlong ito ay ating pagtutuunan ng pansin sa loob ng isang taong paghahanda at pagdiriwang ng ginintuang taon ng ating Parokya. Tinatanaw nating malaking biyaya mula sa Panginoong Diyos ang sambayanang ito na hinubog sa tulong ng mga panalangin ng Mahal na Birheng Maria. Ipinagpapasalamat natin ang ating mga kapwa naglilingkod sa Parokya lalo na yaong mga nakasaksi sa pagkakatatag nito mula sa isang maliit na simbahan sa GAMI Compound hanggang sa ito’y itanghal na Pambansang Dambana. Ipinagpapasalamat natin ang lahat ng mga naging bahagi ng ating Parokya kapiling man natin sila ngayon o nasa kabilang buhay na. Ipinagpapasalamat natin ang mga kabataan na siyang magpapatuloy ng lahat ng ito sa susunod na panahon. Ito ang tema ng ating pagdiriwang na siyang ating pagninilayan at isasabuhay hanggang sa susunod na taon.
Sa pagkakataong ito ay hayaan po niyong ipaliwanag ko ang kahulugan ng logo ng ating pagdiriwang.
Ang imahen ng Mahal na Birhen ng Fatima na siyang muling iniluklok sa ating altar simula noong nakaraang taon ay nasa gitnang bahagi ng logo. Para po sa mga hindi pa nakakaalam, ang imaheng ito ng Mahal na Birhen ng Fatima ay pinipintuho sa ating parokya simula pa ng ito ay nasa GAMI Compound noong mga taong isang libo siyam na raan at anim na pu. Pinaniniwalaan na ito ang pinakamatandang imahen ng Fatima sa ating bansa sapagkat bago pa ito ipinagkaloob ng yumaong Padre Jose Delos Santos ay matagal na niya itong iniingatan. Ang imaheng ito ang siyang saksi sa mayamang kasaysayan ng ating Parokya, kaya’t sinasagisag niya ang pagkakaisa ng ating sambayanan, ng mga naglilingkod at namimintuho dito simula pa noong mga unang taon ng Parokya, ng kasalukuyang henerasyon, at ng hinaharap.
Ang Simbahan na nasa ibabang bahagi ng logo ay sumasagisag sa Simbahang bato na itinatag ng ating Panginoong Jesucristo. Mula sa isang payak na gusali sa dating pook-dalanginan ay itinayo sa loob ng labingpitong taon ang ating Simbahan sa tulong ng mga samahan at indibidwal gayundin ng mamamayan ng Fatima, Portugal na nagkaloob noon ng malaking tulong upang maipatapos ang pagpapagawa ng Simbahan. Ito ay naging tanyag dahil sa bubungan na hugis pamaypay at korona na sumasagisag sa pagkareyna ng Mahal na Birheng Maria.
Ang tatlong kalapati ay sumasagisag sa tatlong mahahalagang bagay na ating pagtutuunan ng pansin sa pagdiriwang na ito: Grace. Gratitude. Generosity. Biyaya. Pasasalamat. Kagandahang Loob. Ang imahen ng Fatima sa Portugal ay naging tanyag din dahil sa mga kalapati sapagkat sa maraming pagkakataon na ang imahen ay inilalabas kapag may prusisyon, palaging lumilipad ang mga kalapati patungo sa imahen at dumadapo sa paanan nito.
Ang tatlong laso naman ay sumisimbolo sa tatlong henerasyon – kasama na dito ang lahat ng mga mananampalataya at naglilingkod sa Parokya – na pinagbubuklod ng pagdiriwang na ito: ang nakaraang panahon, ang kasalukuyan, at ang hinaharap. Ito rin ay sumasagisag sa ating masayang pagdiriwang o festivity na sinasalamin ng ating buong pusong pananabik sa pagsapit ng susunod na taon.
At ang mga katagang “50 Years of Grace, Gratitude, and Generosity with Mary” ay nagpapahayag ng tema na siyang magiging sentro ng lahat ng pagdiriwang.
Minamahal na sambayanan ng Diyos, kayo po ay malugod naming inaanyayahan na maging bahagi ng isang taong pagdiriwang na ito. Sa mga susunod na linggo ay amin na pong ipapaalam ang mga gawain at proyekto kaugnay nito. Sa tulong ng Mahal na Birhen ng Fatima na nangakong hindi tayo pababayaan ay sama-sama nating tatahakin ang landas patungo sa kanyang Anak. Nawa ay magdulot ang pagdiriwang na ito ng ibayong sigla sa ating pamayanan, panibagong buhay sa ating pananampalataya, at higit na pagmamahal sa ating Panginoong Diyos.
Mabuhay ang ating Parokya! Mabuhay ang Mahal na Birhen ng Fatima! Magandang umaga po sa inyong lahat.